काठमाडौं । नर्भिक अस्पतालको आइसोलेसनमा उपचाररत एक महिलामा कोरोना भाइरसको संक्रमण देखिएको छ।

संक्रमण देखिएपछि अस्पतालले स्वास्थ्य तथा जनसंख्या मन्त्रालयको गाइडलाइन अनुसार कोरोना संक्रमितको उपचार गर्न छुट्याइएको पाटन अस्पतालमा रेफर गरिएको छ।

अस्पतालले शंकास्पद संक्रमितका लागि लक्षित गर्दै बनाएको छुट्टै भवनको कोरोना आइसोलेसन वार्डमा उपचाररत ६१ वर्षीय महिलामा कोरोना संक्रमण देखिएको हो।

हेटौंडा उपमहानगरपालिका ४ कि ६१ वर्षकी महिलामा कोरोना संक्रमण पुष्टि भएपछि सरकारको नियमअनुसार पाटन अस्पतालमा पठाइएको नर्भिक अस्पताल प्रशासनले जनाएकाे छ।