काठमाडौ । गृह मन्त्रालयले ४४ जना सहसचिव तथा उपसचिवको सरुवा र पदस्थापना गरेको छ।

सरुवा तथा पदस्थापना अनुसार केही जिल्लाका प्रमुख जिल्ला अधिकारीहरुको समेत हेरफेर भएकाे छ । दार्चुलाका सीडीयाे यदुनाथ पाैडेललाइ धनुषा जिल्लाकाे सहायक प्रमुख जिल्ला अधिकारी बनाएर थन्क्याईएकाे छ ।

सरकारले लिम्पियाधुरा, कालापानी र लिपुलेकलाई समेटेर नयाँ नक्सा जारी गरेपछि भारतसँग नेपालको विवाद बढिरहेको छ ।

लिम्पियाधुरा, कालापानी र लिपुलेक दार्चुला जिल्लामा पर्छ । दार्चुलामा सीडीयो रहेको यदुनाथ पौडेलले उक्त क्षेत्रहरुको अवलोकनका लागि उपप्रधान तथा रक्षा मन्त्री इश्वर पोखरेललाई भ्रमण गराउन खोजेका थिए । तर, मौसमको खरावीका कारण हेलिकोप्टर ल्याण्ड हुन नसक्दा उनको प्रयास सफल भएन ।

पछिल्लो समय उनले भारतले मिचेको भूमिको बारेमा गृह मन्त्रालयलाई रिपोटिङ गरेका थिए । तर, उनलाइ पुरस्कृत गर्नुकाे सट्टा धनुषामा लैजानुलाई रहस्यमय मानिएकाे छ ।

पाैडेललाई गृह सचिव महेश्वर न्याैपानेकाे दबाबमा सरूवा गरिएकाे स्राेतकाे भनाई छ ।

धनुषामा रहेका सहायक सीडीयो शरदकुमार पोखेरललाई भने दार्चुलाको सीडीयो बनाएर पठाइएको छ ।

यस्ताे छ सरूवा तथा पदस्थापनाकाे सूची