काठमाडौं । कोरोना भाइरसको संक्रमण नियन्त्रणका लागि सरकारले नेपाली सेनालाई परिचालन गर्न निर्णय गरेको बेला नेपाली कांग्रेसका सांसद डा.अमरेशकुमार सिंहले भने त्यसको विरोध गरेका छन् ।

यतिबेला सेना परिचालन गर्न नहुने भन्दै उनले विवादास्पत अभिव्यक्ति दिएका छन् । भारतसँग नजिक रहँदै आएका सांसद सिंहका गतिविधिलाई संकाका दृष्टिकोणले हेर्ने गरिएको छ ।

संसदको सोमबार बसेको बैठकमा शून्य समयमा बोल्दै सांसद सिंहले सेनालाई कोरोना नियन्त्रणका लागि विश्वका कुनै पनि देशले परिचालन नगरेको तर, नेपालमा किन गर्नुपर्यो भन्दै विरोध गरेका हुन् ।

‘नेपाली सेनाको बुटले नेपाली जनतालाई दबाउन खोजिदै छ भने त्यो लोकतन्त्रको हत्या हुन्छ’, कांग्रेसका सांसद डा.सिंहले भने,‘दुनियाँको कुनैपनि मुलुकमा कोरोना नियन्त्रणका लागि सेना परिचालन गरिएको छैन ।’