एजेन्सी । लद्दाखमा भारत र चिनियाँ सेनाबीच  पछिल्लाे समयम तनाव बढिरहेको छ। सीमा रेखाको बिषयमा दुवै देशले लद्दाखको सीमावर्ती क्षेत्रमा थप सुरक्षा वढाउँदै ठूला खालका सैन्य हतियार र सैनिक बढाएका छन् ।

पटक पटक फिल्ड अफिसरको वार्ता, कुटनीतिक प्रयासलगायतका प्रयाससँगै दुवै देशले सम्भावित भिडन्तलाई ध्यान दिएर सैनिक, हतियार र प्रदर्शन जारी राखेका छन् ।

लद्दाखको पूर्वी क्षेत्र पाङ्गगोङ र गलवान क्षेत्रमा एकले अर्कालाई देखाउनै लागि पनि शक्ति प्रदर्शन गरिरहेका छन् ।

भारतले सीमा क्षेत्रमा वायु सेनासमेत परिचालन गरेको छ । पैंगाैंग त्सो ताल नजिकै दुबै सेनाबीचकाे वादविवादकाे क्रममा चिनियाँ सैनिकहरूले ‘अनैतिक तरीका’ काे सहारा लिई भारतीय सुरक्षा कर्मीमाथि काँडे तारको डण्डा र ढुंगाले हमला गरेको भारतीय संचारमाध्यम आजतकले जनाएको थियो ।

चिनियाँ सैनिकहरूले वादविवादको क्रममा पैंगाैंग त्सो ताल नजिकैको क्षेत्रमा भारतीय सैनिकहरूलाई लक्षित गर्दै ढुंगा र काँडे तारकाे लठ्ठी प्रयोग गरेका थिए।