काठमाडौं । भारतमा कोरोना भाइरसबाट संक्रमित हुनेको संख्या दिनहु बढेपनि  लकडाउन खुकलो बनाउने निर्णय गरिएको छ ।

भारतले तीन चरणमा गरेर  लकडाउन खोल्ने निर्णय गरेको हो ।

पहिलो चरणमा ८ जुन देखि होटल, रेस्टुरेन्ट तथा सपिङ मल खोल्ने निर्णय गरेको छ । त्यस्तै मन्दिर, मस्जिद तथा चर्चहरु पनि खुल्नेछ । तर, स्वास्थ्य सुरक्षासम्बन्धि मापदण्ड पालना गर्नुपर्ने छ ।

त्यस्तै दोस्रो चरणमा स्कुल तथा कलेज खुल्ने छन् । तेस्रो चरणमा सार्वजनिक यातायात, फिल्म हल लगायत सुचारु गर्न लागिएको छ ।

भारतमा पछिल्लो समय भुसको आगो झै कोरोना भाइरस  संक्रमण फैलिएको छ। अहिलेसम्म  १ लाख ७३ हजार भन्दा बढीमा संक्रमण पुष्टि भएको छ भने ४ हजार ९ सय ७१ जनाको  मृत्यु भएको छ ।