काठमाडौं । सरकारले भारतबाट स्थलमार्ग हुँदै नेपाल फर्किने नेपालीहरुका लागि २० वटा नाका तोकेको छ ।

उपप्रधानमन्त्री ईश्वर पोखरेल नेतृत्वको कोभिड १९ रोकथाम तथा नियन्त्रण उच्चस्तरीय समन्वयस समितिको आज बसेको बैठकले भारतबाट स्वदेश फर्कन चाहने नेपालीहरुका लागि २० वटा नाका तोकेको हो ।

अब नेपाल आउन चाहनेहरु पशुपतिनगर, काकडभिट्टा, रानी, कुनौली, ठाडी, माडर, भिट्टामोड, मलंगवा, गौर, वीरगञ्ज, महेशपुर, वेलहिया, तौलिहवा र कृष्णनगर नाकाबाट नेपाल आउन सक्नेछन् ।

त्यसैगरी जमुनाह, सुरजपुर, गौरिफन्टा, गड्डाचौकी, झुलाघाट र दार्चुला नाका नेपालीका लागि देश प्रवेश गर्ने नाकाका रुपमा तोकेको बताइएको छ ।

समितिले प्राथमिकताको आधारमा तत्काल २५ हजार नेपालीलाई भारतबाहेक तेस्रो मुलुकबाट ल्याउने निर्णय पनि गरेको छ ।