काठमाडौँ । बहराइनमा कोरोना संक्रमित एक नेपालीले क्वारेन्टाइनमा आत्महत्या गरेका छन् । राम्रोसँग उपचार गराइरेका भए पनि उनले के कारणले आत्महत्या गरे भन्ने खुलेको छैन।

एक्सिलेन्सी इन्डस्ट्रियल एण्ड मेन्टिनेन्स कम्पनीमा कार्यरत ताप्लेजुङका ३८ वर्षीय पुरुषले उपचार भइरहेका बेला आत्महत्या गरेका हुन् ।

बहराइनका लागि नेपाली राजदूत पदम सुन्दासका अनुसार कोरोनाको संक्रमण देखिएर उपचार गराइरहेका उनले बिहीबार आत्महत्या गरेको समाचार बाहिर आएको छ ।

ती युबाले क्वारेन्टाइनको क्वारेन्टाइनको बाथरुममा झुण्डिएर आत्महत्या गरेको भन्ने जानकारी आएको उनले बताए ।

बहराइनमा अहिलेसम्म ३ सय ३१ जना नेपालीमा कोरोनाको पुष्टि भएको छ ।  संक्रमित नेपालीमध्ये कैयौँ उपचारपछि निको भएर फर्किसकेका छन् भने उपचाररत रहेका नेपालीहरुको  अवस्था सामान्य रहेको छ ।

बहराइनमा अहिलेसम्म १० हजार ५२ जनामा कोरोना संक्रमण पुष्टि भएको छ । बहराइनमा कोरोना संक्रमितमध्ये १५ जनाको मृत्यु भएको छ ।

स्वास्थ्य क्षेत्रमा बहराइन सरकारको गुणस्तरीय सेवा रहेको छ ।