काठमाडौं । संयुक्त राष्ट्र संघको शान्ति मिसनमा खटिएका ३ जना नेपाली सैनिकमा कोरोना संक्रमण पुष्टि भएको छ ।

शान्ति मिसनअन्तर्गत मालीमा खटिएका २ र सुडानमा खटिएका १ जनामा कोरोना संक्रमण भएको नेपाली सेनाका प्रवक्ता विज्ञानदेव पाण्डे बताए ।

संक्रमण भएका सैनिकको दर्जा भने सेनाले केही खुलाएको छैन ।यसअघि नेपालमा कार्यरत नेपाली सेनाका मेजरसहित ४ जनामा कोरोना संक्रमण भएको थियो ।