काठमाडौं । प्रमुख प्रतिपक्षी दल नेपाली कांग्रेसले रुकुम पश्चिममा दलित युवकको मृत्युको घटना बारे संसदीय छानबिन गर्न माग गरेको छ ।

मंगलबार प्रतिनिधिसभाको बैठकमा नेपाली कांग्रेसका सांसद मीन विश्वकर्माले पश्चिम रुकुममा भएकाे उक्त घटनाको संसदीय छानबिन गर्न माग गरेका हुन् ।

उनले घटनामा संलग्नको आरोपमा पक्राउ परेकालाई राजनीतिक दबाब र प्रभावमा रिहा नगरी निश्पक्ष छानबिन गर्न माग गरे ।

त्यस्तै घटनामा बेपत्ता भएकाको खोजी, मृतकलाई क्षतिपूर्ति र घाइतेको उपचार गर्न समेत उनले सरकारसँग माग गरेका थिए ।