काठमाडौं । कपिलवस्तुमा आज कोरोना भाइरस (कोभिड–१९) संक्रमण पुष्टि भएका ९ जनामध्ये २ जना पत्रकार रहेको खुलेको छ ।

दुई जनामध्ये एक जना महासंघ कपिलवस्तुका कार्यसमिति सदस्य हुन् । उनले स्थानीयस्तरबाट एक अनलाइन सञ्चारमाध्यम सञ्चालन गर्दै आएका छन् ।

त्यसैगरी अर्का एकजना वाणगंगा नगरपालिका चार नम्बरस्थित बुद्ध आवाज टेलिभिजनका सञ्चारकर्मी हुन् । दुवै पत्रकारको स्वास्थ्य अवस्था सामान्य रहेको र स्वास्थ्यकर्मी उनीहरूको सम्पर्कमा पुगिसकेका पत्रकार महासंघ कपिलवस्तुले जनाएको छ ।