काठमाडौं । स्वास्थ्य तथा जनसंख्या मन्त्रालयका अनुसार नेपालमा कोरोना लागेर निको हुनेका संख्या ४५ पुगेको छ ।

आज विराटनगरको कोशी अस्पतालमा उपचाररत ८ जना कोरोना संक्रमित निको भएर घर फर्किएसँगै निको हुनेको संख्या ४५ पुगेको हो ।

आज डिस्चार्ज हुनेमा ५ जना भारतीय जमाती र ३ जना उदयपुरको भुल्केका बसिन्‍दा हुन् ।

उनीहरु वैशाख ५ र ९ गते कोशी अस्पताल कोभिड १९ उपचार केन्द्रमा भर्ना भएका थिए ।

बुधबार डिस्चार्ज भएका ५ जना भारतीय नागरिकलाई विराटनगर १५ को रानी मरकज क्वारेन्टाइनमा र उदयपुरका ३ जनालाई भुल्के पठाइएको कोभिड अस्पतालले जनाएको छ ।