काठमाडौं । काठमाडौंको महानगरीय प्रहरी वृत्त, कालिमाटीमा कार्यरत सुरक्षाकर्मीलाई कोरोना भाइरस (कोभिड–१९) को संक्रमण पुष्टि भएसंगै कालीमाटी बृतसहित साेही कम्पाउण्ड भित्र रहेका महानगरीय ट्राफिक प्रहरी प्रभाग कालीमाटी र महिला तथा बालबालिका सेवाकेन्द्र समेत शिल गरिएको प्रहरीले जनाएको छ ।

कालिमाटी वृत्तमा कार्यरत एक जना सई र जवानलाई कोरोनाको संक्रमण पोजेटिभ देखिएको छ ।

चार दिनअघि पीसीआर परीक्षण गरिएको उनीहरुको हिजो राती रिपोर्ट आएको थियो ।

तीनवटै कार्यलय शिल गरेर (आज)बुधबारबाट सबैको पीसीआर परीक्षण थाल्ने तयारी भइरहेको  छ ।

महानगरी प्रहरी परिसर काठमाडौं स्रोतका अनुसार कालिमाटी बृत्त शिल भएपछि उक्त क्षेत्रको सुरक्षाका लागि परिसरकै प्रहरीहरुलाई खटाइने भएको छ ।