ललितपुर । नेपालमा पहिलो पटक चिकित्सकलाई नै कोरोना भाइरस (कोभिड–१९) संक्रमण भएको पुष्टि भएको छ ।

आज थपिएका २७ संक्रमितमध्ये ललितपुरका एक चिकित्सक हुन् भने यो नै ललितपुरका लागि पहिलो केस हो ।

इपिडिमियोलोजी तथा रोग नियन्त्रण महाशाखा (ईडीसीडी) मा कार्यरत ति चिकित्सकमा आज कोरोना संक्रमण पुष्टि भएको हो ।

उनी संक्रमितको कन्ट्याक ट्रेसिङमा संलग्न भएकाले कारोनाको संक्रमण देखिएको बताइएको छ ।

स्रोतका अनु्सार कपिलवस्तुका कोरोना संक्रमितहरुको कन्ट्याक ट्रेसिङ गर्न गएका बेला उनमा संक्रमण फैलिएको हुनसक्ने बताइएको छ ।

नेपालमा चिकित्सक संक्रमित भएको यो पहिलोपटक हो । यसअघि कोरोना संक्रमितको उपचारमा संक्रमित नर्सलाई संक्रमण भएको थियो ।