ललितपुर । ललितपुरमा पहिलो पटक कोरोना भाइरस (कोभिड–१९) को संक्रमण भएका व्यक्ति चिकित्सक भएको खुलेको छ ।

इपिडिमियोलोजी तथा रोग नियन्त्रण महाशाखा (ईडीसीडी) का ललितपुर निवासी चिकित्सकमा आज कोरोना संक्रमण पुष्टि भएको हो ।

उनी संक्रमितको कन्ट्याक ट्रेसिङमा संलग्न भएकाले कारोनाको संक्रमण देखिएको बताइएको छ ।

आज थपिएका २७ संक्रमितमध्ये ललितपुरका चिकित्सक एक थिए ।

नेपालमा चिकित्सक संक्रमित भएको यो पहिलोपटक हो । यसअघि कोरोना संक्रमितको उपचारमा संक्रमित नर्सलाई संक्रमण भएको थियो ।