काठमाडौं । नेपालका कोरोना भाइरस (कोभिड–१९) संक्रमितको संख्या ३७५ पुगेको छ ।

स्वास्थ्य तथा जनसंख्या मन्त्रालयद्धारा रातीको १०ः१५ बजे जारी विज्ञप्तिमा थप १८ जनामा कोरोना संक्रमण पुष्टि भएको उल्लेख गरिएको छ ।

नयाँ संक्रमितमा धनुषाका २ जना पुरुष, खोटाङ हलेसी तुवाचुङ नगरपालिका–७ निवासी २० वर्षीय युवक, बाँके नैनापुरका १२ जना पुरुष, दैखेख आठबीस–१ का १ जना पुरुष, झापा र सुनसरीका १/१ जना पुरुषमा कोरोना संक्रमण पुष्टि भएको हो ।

आज पहिलो पटक कर्णाली प्रदेशमा पनि १ जनालाई कोरोना संक्रमण पुष्टि भएको हो । स्वास्थ्य मन्त्रालयको आज बेलुकाको प्रेस विज्ञप्तिले नेपालका सातै वटा प्रदेशमा संक्रमण फैलिएको पुष्टि गरेको छ ।