काठमाडौं । नेपाली गायक दिवेश पोखरेल अमेरिकन आइडलको १८ औं संस्करणमा उपविजेता बनेका छन् ।

धेरै भोटको आधारमा उत्कृष्ट ५ बाट जस्ट स्यामले उपाधि जित्दा दिवेश भने उपविजेता बनेका हुन् ।

नेपालमा कोरोनाका त्रास बढ्दै गएका बेला दिवेशले पाएको यो उपाधिले नेपाली समुदायमा केही हदसम्म भएपनि उत्साह छाएको छ ।

गायक दिवेशले अडिसन राउन्डदेखि नै दिवेशले चर्चा बटुलेका थिए । निर्णायक लियोनल रिचीले दिवेशको गायिकीलाई बब मार्लीसँग दाँजेका थिए भने अर्का निर्णायक लुक ब्रायनले ‘दिवेश हामीले अमेरिकन आइडलमा अहिलेसम्म पाएकामध्ये सबैभन्दा ठूलो स्टार हुन सक्छन्’ भनेका थिए ।

अमेरिकाको कान्सास, विचिटामा बस्ने दिवेशको स्टेज नेम ‘आर्थर गन’ हो । दुई वर्षअघि दिवेश आफैंले जुराएको नाम हो यो ।

कोभिड–१९ का कारण सबै प्रतियोगीले घरबाटै प्रस्तुति दिएका थिए ।

दिवेश २०१४ तिर अमेरिका गएका थिए । तर, उनको परिवार भने उनको परिवार सन् २००८ मा नै अमेरिका बसाइँ सर्योरेको थियो ।

दिवेशले सन् २०१८ मा डेब्यु एल्बम ‘ग्रहण’ सार्वजनिक गरे । यसमा आठ नेपाली गीत छन् । त्यसपतिको ‘खोज’ एल्बममा पनि शिर्षसहित ‘म…’ र ‘कर्णाली…’जस्ता गीतले धेरथोर चर्चा कमाए ।