कञ्‍चनपुर । भारतको वनवासा क्षेत्रबाट सीमा नाकामा लुकिछिपि ७५ जना नेपाली नेपाल प्रवेश गरेका छन्। उनीहरूलाई भीमदत्त नगरपालिकाको बैजनाथ माध्यमिक विद्यालयको क्‍वारेन्‍टाइनमा राखिएको छ ।

गएराति सीमा क्षेत्रमा लुकिछिपि आएका सबैलाई नियन्त्रणमा लिई क्‍वारेन्टाइनमा राखिएको जिल्ला प्रहरी कार्यालय कञ्चनपुरका प्रहरी नायव उपरिक्षक रविन्द्रनाथ पौडेलले जानकारी दिए ।

लुकिछिपि आउनेमा चार महिला समेत रहेका छन । उनीहरु भारतीय क्वारेण्टाइनमा बस्दै आएको व्यक्ति भएको बताइएको छ ।