काठमाडौं । बुद्ध जयन्तीको अवसर र कोरोना भाइरस विरुद्ध लड्नका लागि बालुवाटारमा बिहीबार साँझ दीप प्रज्वलन गरिएको छ ।

सरकारका उच्चपदस्थ अधिकारीहरुले प्रधानमन्त्री निवास बालुवाटारमा बिहीबार साँझ दीप प्रज्वलन गरेका हुन ।

सरकारले सबै नागरिकहरुलाई दीप प्रज्वलन गर्न आह्वान समेत गरेको थियो । सोही अनुरुप बिहीबार साँझ बालुवाटारस्थित प्रधानमन्त्रीको निवासमा प्रधानमन्त्री केपी ओली, उपप्रधानमन्त्री तथा रक्षामन्त्री ईश्वर पोखरेल,गृहमन्त्री रामबहादुर थापालगायतले  संयुक्त रुपमा दीप प्रज्वलन गरेका थिए । कार्यक्रममा बुद्ध धर्मावलम्वी अगुवाहरु सहभागी थिए ।