चितवन । चितवनमा विषाक्त च्याउ खाँदा भिन्दाभिन्दै दुई गाउँका १२ जना बिरामी भएका छन् । बिरामीमध्ये तीनजनाको अवस्था गम्भीर रहेको छ । जुगेडीका एकजना र पदमपुरका दुईजनाको अवस्था गम्भीर रहेको छ । शनिबार राति च्याउको तरकारी पकाएर खाएका जुगेडीका पाँचजना बिरामी भएपछि भरतपुर अस्पताल लगिएको थियो ।

त्यसैगरी कालिका–३ का वडाध्यक्ष टिकाराम रिजालका अनुसार आइतबार जंगलबाट ल्याएको च्याउ पकाएर खाएका एकै परिवारका सातजना बिरामी भएर उपचारका लागि भरतपुर गएका छन् ।

चितवन जिल्ला प्रहरी कार्यालयका प्रवक्ता डीएसपी एकनारायण कोइरालाका अनुसार जुगेडीका पाँचजनाको भरतपुरको सरकारी अस्पतालमा उपचार भइरहेको छ । चिकित्सक डा.महेन्द्र अग्रहरीका अनुसार सातजनामध्ये दुईजनाको अवस्था अलि गम्भीर र बाँकी पाँचजनाको अवस्था सामान्य छ ।