कपिलवस्तु । कपिलवस्तुमा एक वडाध्यक्षलाई लक्षित गरी गोली प्रहार भएकाे छ। यशोधरा गाउँपालिका वडा नं. ८ का अध्यक्ष सहाबुद्दिन मुसलमानलाई लक्षित गरी गोली प्रहार भएको प्रहरीले जनाएको छ ।

राति साढे १ बजेतिर दुई जना व्यक्ति आएर उनी पहिले सुतेको भुइतलाको ओछ्यानमा २ राउण्ड फायर गरेको जिल्ला प्रहरी प्रमुख प्रहरी उपरीक्षक दीपशमशेर राणाले बताए । त्यसपछि ओछ्यानबाट कुनै प्रतिक्रिया नआएपछि भित्तामा दुई राउण्ड प्रहार गरेर फरार भएको उनले बताए ।

बिहीबार राति साढे १ बजेतिर वडाध्यक्ष सुतेको खाटलाई लक्षित गरी गोली प्रहार गरिएको थियो । तर उनी उक्त खाटमा नसुतेका कारण बाचेका छन् । उनलाई गोली लागेको छैन् ।
घटना संलग्न रहेको आशंकामा गाउँकै मोहम्मद हुसेन मुसलमानलाई प्रहरीले पक्राउ समेत गरेको छ भने अर्का भुलन पासी फरार रहेका छन् ।