अनलाइन नेपाल
काठमाडौँ — नयाँ बानेश्वरस्थित एक पसलमा ग्यास लिक भएर आगलागी हुँदा ३ जना घाइते भएका छन् । बुधबार राति ८ बजे नयाँ बानेश्वारस्थित देउराली क्लब नजिकैको ग्यास पसलमा आगलागी हुँदा ३ जना घाइते भएको महानगरीय प्रहरी वृत बानेश्वरका डीएसपी दुर्गा रेग्मीले बताए ।
घाइतेहरुको अवस्था सामान्य रहेको र उनीहरुको सिभिल अस्पतालमा उपचार भइरहेको उनले जानकारी दिए ।
आगलागीबाट पसल अगाडि पार्किङ गरेर राखिएको बा ७१ प ७४१ नम्बरको स्कुटर जलेको छ ।
डीएसपी रेग्मीले भने,’ग्यास पसलभित्रको कुनै सिलिन्डरबाट ग्यास लिक भएको रहेछ । सटर बन्द हुँदा लिक भएको ग्यास बाहिर निस्कन नपाउँदा अत्याधिक चापका कारण सटर पनि भत्किएको देखिन्छ ।’
हिमचुली मिडिया प्रा. लि.
इमेल: [email protected]
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply