काठमाडौं। कोरोना भाइरसको महामारीबाट जोगाउन मोबाइल फोन इम्पोर्टर्स एसोसिएसन (एमपीआईए) ले नेपाली सेनाको स्वास्थ्य महानिर्देशनालयलाई १० हजार थान मास्क हस्तान्तरण गरेको छ ।

मंगलबार एसोसिएसनका अध्यक्ष दीपक मलहोत्रा एवम पदाधिकारीहरुले भद्रकालीस्थित नेपाली सेनाको मूख्यालयमा मास्क हस्तान्तरण गरेका  हुन ।

एसोसिएनका अध्यक्ष मलहोत्राले आफ्नो सानो सहयोगले कोरोना भाइरस (कोभिड १९) को महामारीविरुद्ध लडिरहेका  सुरक्षा निकायलाई केही हदसम्म भए पनि थप बल प्रदान गर्ने विश्वास व्यक्त गरेका थिए ।

मास्क हस्तान्तरण कार्यक्रममा एसोसिएसनका अन्य पदाधिकारीहरूको समेत उपस्थिति थियो ।