काठमाडौं। र्‍यापिड डाग्नोस्टिक टेष्ट (आरडीटी) परीक्षणमा कोरोना पोजेटिभ देखिएका दुई जना नर्सको पीसीआर रिपोर्ट नेगेटिभ आएको छ ।

कोरोना पोजेटिभ आशंकामा टेकु अस्पतालको आइसोलेसन वार्डमा भर्ना भएका त्रिपुरेश्वरस्थित केन्द्रीय कारागारमा कार्यरत दुई जना नर्सको पीसीआर रिपोर्ट नेगेटिभ आएको हो ।

टेकुस्थित राष्ट्रिय जनस्वास्थ्य प्रयोगशालामा गरिएको पीसीआर परीक्षणमा कोरोना भाइरसको रिपोर्ट नेगेटिभ आएको हो ।उनीहरुलाई मंगलबार टेकुस्थित शुक्रराज अस्पतालको आइसोलेसन वार्डमा भर्ना गरिएको थियो ।
रिपोर्ट नेगेटिभ आएसंगै उनीहरुको डिस्चार्ज गर्ने तयारी भएको छ ।