काठमाडौं । कोरोना भाइरसको महामारीले अमेरिकामा मृत्यु हुने मानिसको संख्या ४५ हजार नाघेको छ । बुधबार विहान थप २ हजार ८०२ जनाको मृत्यु भएसँगै कोरोनाबाट अमेरिकामा मृत्यु हुनेको संख्या ४५ हजार ३१६ पुगेको हो ।

अमेरिकामा ८ लाख १९ हजार ८ सय ५ जनामा कोरोना संक्रमण पुष्टि भइसकेको छ । पछिल्लो २४ घण्टामा त्यहाँ २७ हजार ०४६ जना नयाँ संक्रमित थपिएका छन् । अमेरिकामा संक्रमितमध्ये ८२ हजार ९२३ जना उपचारपछि निको भएका छन् । उपचार गराइरहेका ६ लाख ९१ हजार ५ सय ६६ जनामध्ये १४ हजार १६ जनाको अवस्था गम्भीर रहेको छ ।

अमेरिकाको विभिन्न राज्यहरुमा गरि ४१ लाख ५५ हजार १ सय ७८ जनालार्इ कोरोनाभाइरस (कोभिड–१९) परिक्षण गरिएको जोन हप्किन्स विश्वविद्यालयले जनाएको छ । अमेरिकामा कोरोनाभाइरस (कोभिड–१९) बाट मृत्यु हुनेको संख्या दिनानु दिन उच्च दरले बढिरहेको छ ।