अनलाइन नेपाल
काठमाडौं। बेलायत सरकारले कोरोना भाइरसको खोप बनाउनका लागि टास्कफोर्स गठन गरेको बताएको छ ।
बेलायती व्यापार सचिव आलोक शर्माले पत्रकार सम्मेलनमा कोरोना भाइरस फैलिनबाट रोक्नका लागि सरकारले सही कदम चालिरहेको बताएका छन् ।
उनले कोरोना नियन्त्रणका लागि सरकारले एकातिर सामाजिक दुरीको नियम लागू गरिरहेको र अर्कोतिर छिट्टै खोप बनाउने कोशिसमा लागेको बताएका छन् । उनले कोरोनाविरुद्धको खोप बनाउनका लागि सरकारले टास्कफोर्स गठन गरेको जानकारी दिए ।
बेलायतमा मात्रै कोरोना भाइरस संक्रमणका कारण हालसम्म १४ हजार ५७६ ननाको मृत्यु भइसकेको छ । पत्रकार सम्मेलनमा शर्माले भने, ‘देशको स्वास्थ्य एजेन्सी एनएचएसलाई बचाउन आवश्यक छ र अब तीन साता लकडाउनलाई कडाईपूर्वक पालना गर्नुहोस् ।’ एजेन्सी
हिमचुली मिडिया प्रा. लि.
इमेल: [email protected]
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply