काठमाडौं । विश्वव्यापी महामारीको रुपमा फैलिएको कोरोना भाइरस (कोभिड-१९) को संक्रमण नेपालमा बढ्दै गएको छ। मंगलबारसम्म र्यापिड किट र पीसीआर विधिबाट १२ हजार ९०६ जनाको नमुना परीक्षण गरिएकाे स्वास्थ्य तथा जनसंख्या मन्त्रालयले जनाएको छ। जसमा १६ जनामा कोरोना पुष्टि भएको हाे।

स्वास्थ्य ताथा जनसंख्या मन्त्रालयका प्रवक्ता डा. विकास देवकोटाका अनुसार नेपालमा कोरोना पुष्टि हुनेमा १९ वर्षीया युवतीदेखि ८१ वर्षीया वृद्धासम्म छन्। उनले संक्रमित १६ मध्ये पहिलो पटक संक्रमित देखिएका एकजना निको भएर घर फर्किसकेकाे बताए। उनका अनुसार १५ जनाको विभिन्न अस्पतालमा उपचार भइराखेको छ।

पाँचजनाको कैलालीको धनगढीस्थित सेती प्रादेशिक अस्पतालमा उपचार भइराखेको छ भने चारजनाको वीरगन्जस्थित नारायणी अस्पतालमा उपचार भइराखेको छ। अन्य ६ जनाको भने शुक्रराज ट्रपिकल तथा सरुवारोग अस्पताल, टेकु, पाटन अस्पताल, लगनखेल र धौलागिरी अस्पताल, बागलुङमा दुईदुई जनाको उपचार हुँदैछ।

अहिलेसम्म देशभरका क्वारेन्टाइनमा पाँच हजार ७७१ को उपचार भइराखेको छ। उपत्यका १२ र बाहिर ८७ गरेर ९९ बिरामी आइसोलेसनमा छन्।

सोमबार राजधानीकै पेप्सिकोलाका तीजनामा र्यापिट किटबाट पोजेटिभ देएिपछि राष्ट्रिय प्रयोगशालामा गरिएको पुनः परीक्षणमा दुई जनामा पोजेटिभ भएको पुष्टि भएको छ। एकजनाको भने पुनः परीक्षण भइरहेको छ।

नयाँ संक्रमित दुवै जना बेलायतबाट चैतको पहिलो साता नेपाल फर्किएका हुन्। संक्रमित ५८ वर्षीय पुरुष र ८१ वर्षीया महिला हुन्।

अहिलेसम्म ५६ जिल्लामा र्यापिड किटबाट कोरोना परीक्षण सुरु भएको छ। अब २१ जिल्लामासमेत चाँडै परीक्षणको दायर बढाइने प्रवक्ता देवकोटाले जानकारी दिएका छन्।