काठमाडौं। पेप्सिकोलास्थित सनसिटी अपार्टमेन्टमा बस्ने तीन जनालाई कोरोना भाइरस (कोभिड–१) को आशंकामा अस्पताल भर्ना गरिएको छ।
अपार्टमेन्टको १५ तल्लामा बस्दै आएका तीन जनामाथि कोरोनाको आशंका गरिएको र उनीहरुको थप टेस्टको लागि पाटन अस्पताल पठाएको प्रहरीले जनाएको छ । पाटन अस्पतालका अनुसार पीसीआर विधिबाट नमुना संकलनका लागि उनीहरुको थ्रोट स्वाब लिइएको
छ ।
आमा, छोरा र बुहारीलार्ई र्यापिड टेस्ट किटमा परिक्षण गर्दा कोरोना पोजिटिभ देखिएको हो । परिवारका तीनजालाई कोरोना पोजिटिभ देखिएपछि सबैलाई पाटन अस्पतालको आइसोलेसनमा लगेर भर्ना गरिएको छ ।
उनीहरु ५ चैतमा लण्डनबाट फर्किएकका थिए । अपार्टमेन्टमा प्रहरीले सिल गरी रोक लगाएको छ । टेकुमा आइसोलेसन वार्ड नभएपछि उनीहरुलाई पाटन अस्पतालको आइसोलेसनमा राखिएको छ । लकडाउन हुनु अघि उनीहरु विदेशबाट आएको र अपार्टमेन्टमामा बसेको खुलेको छ । यो घटनासँगै काठमाडौंमा प्रहरीले सक्रियता बढाएको छ।
Leave a Reply