काठमाडौँ । प्रधानमन्त्री केपी शर्मा ओलीले विश्वभरि महामारीकाे रूपमा फैलिरहेकाे काेराेना भाइरसको अझै पनि उच्च जोखिममा रहेको बताएका छन् । मंगलबार सरकारी निवास बालुवाटारबाट राष्ट्रका नाममा सम्बोधन गर्ने क्रममा प्रधानमन्त्रीले यस्ताे बताएका हुन्।

प्रधानमन्त्री ओलीले देशमा पहिलो व्यक्तिको संक्रमण पहिचान भएदेखि यता साझा प्रयत्नले संक्रमितको संख्या ९ जनामा मात्र सीमित गर्न सकिएपनि नेपाल अझैं उच्च जोखिममा रहेको दावी गरेका हुन् ।

नेपाल कोरोविरुद्धको लडाईमा होमिएको बताउँदै प्रधानमन्त्री ओलीले दुई सातादेखि मुलुक लकडाउनमा रहेको स्मरण पनि गराए । कोभिड-१९ कोरोना भाइरसको जोखिम रोक्न सरकारले जारी गरेको लकडाउन सबैले पालन गर्न अाग्रह समेत उनले गरे। यसअघि प्रधानमन्त्री ओलीले यसअघि यही चैत ७ गते पनि राष्ट्रका नाममा सम्बोधन गरेका थिए।