काठमाडौं । चीनबाट सुरू भइ विश्वभर फैलिरहेकाे कोरोना भाइरसकाे सातौं संक्रमित नेपालमा फेला परेका छन् । भारतबाट फर्किएका कास्कीका एक व्यक्तिमा काेरानाको संक्रमण देखिएको हो ।

कोरोनाको छैटौं संक्रमित फेला परेको भोलिपल्टै पोखरा स्वास्थ्य विज्ञान प्रतिष्ठानले गरेको परीक्षणमा कोरोनाको संक्रमण पोजेटिभ देखिएको गण्डकी प्रदेश सरकारले जनाएको छ ।

ती व्यक्तिको नमूना संकलन गरेर पुनःपरीक्षणका लागि पठाइएको प्रदेश सरकारले जनाएको छ । नेपालमा अहिलेसम्म ७ जनामा देखिएकाे कोरोना संक्रमण सबै विदेशबाट आएका ब्यक्ति हुन ।