काठमाडौं । विश्वभर कोरोना भाइरस (कोभिड–१९) बाट संक्रमित हुनेको संख्या ९ लाख नाघेको छ । बुधबार एकै दिन ७६ हजार बढी संक्रमित थपिएसँगै यो संख्या ९ लाख नाघेको हो ।

२०३ देशमा कोरोनाबाट ९ लाख ३५ हजार व्यक्ति संक्रमित भएका छन् । जसमा ४७ हजार भन्दा बढिको ज्यान गइसकेको छ ।

विश्वकै प्रभावशाली मानिएको अमेरिकामा संक्रमितको संख्या २ लाख १५ हजार नाघ्दा ५ हजार बढीले ज्यान गुमाएका छन् । अमेरिकामा एकैदिन २६ हजार कोरोना संक्रमित थपिएका छन् ।