काठमाडौं। नयाँबजारमा रहेको साहस बचत तथा ऋण सहकारी संस्थाले आफ्ना सदस्यहरुलाई विशेष छुट दिने घोषणा गरेको छ।

कोरोना भाइरसको त्रास र लक डाउनको कारण आर्थिक क्रियाकलापमा असर परिरहेको भन्दै सहकारीको सञ्चालक समिति बैठकले सदस्यहरुलाई राहत प्रदान गर्नको लागि व्याज मिनाहाका योजना अघि सारेको हो ।

सहकारीका सचिव बलराम पाठकका अनुसार सञ्चालक समतिको बैठकबाट ऋणको व्याजमा १० प्रतिशत छूट दिने निर्णय भएको हो ।

यो अवधि आगामी जेठ मसान्तसम्मको लागि गरिएको छ । सहकारीको यस्तो निर्णयले सदस्यहरूमा सहकारीप्रति अपनत्व बढ्ने सचिव पाठकले बताए ।