काठमाडौं । महामारीको रुपमा विश्वभर फैलिएको नोवेल कोरोना (कोभिड–१९) को आशंकामा पाटन अस्पतालको आइसीयूमा उपचाररत एक एक व्यक्तिको मृत्यु भएको छ ।

धादिङ खनियाँपानी घर भएका ३५ वर्षीय युवकको मृत्यु भएको अस्पताल स्रोतले जनाएको छ । चैत १४ गते मात्रै भारतबाट नेपाल फर्किएका उनको आज मृत्यु भएको हो ।

पाटन अस्पतालले मृत्युको कारणबारे भने पुष्टि नभएको जनाएको छ । कोरोनाको संक्रमण भएको आशंका गरेर नमुना परीक्षणका लागि टेकुस्थित केन्द्रीय प्रयोगशालामा पठाइएको भएपनि रिपोर्ट भने आइनसकेको अस्पतालले जनाएको छ ।