काठमाडौं । विश्वभर फैलिएको कोरोना (कोभिड–१९) भाइरसको संक्रमण रोक्नका लागि सरकारले मंगलबारबाट लकडाउन गरेको छ ।

यद्यपी जनताले नबुझेका हुन् वा बुझेर पनि अटेरी गरेका हुन्, लकडाउन उल्लंघन गर्ने क्रम भने रोकिएको छैन । लकडाउनको तेस्रो दिन आज देशभरबाट १ सय ४३ जना पक्राउ परेका छन् भने १ हजार ४ सय ५६ वटा सवारी साधन कारबाहीमा परेका छन् ।

प्रहरीले अनुमति बिनै गुडेका सवारी साधन नियन्त्रणमा लिएको छ।

त्यसैगरी बिना अनुमति सवारी चलाउने १ हजार ४ सय १७ चालक प्रहरीको कारबाहीमा परेका छन्।

पक्राउ परेका सबैलाई साँझ सचेत गराएर छाडिएको प्रहरीले जनाएको छ भने सवारी साधन भने प्रहरी युनिटमै राखिएको छ।