पोखरा । चीनबाट सुरू भइ विश्वभर महामारीकाे रूप लिएकाे काेराेना भाइरसकाे नाममा भ्रम फैलाउने पास्टर पक्राउ परेका छन् । यशुका अनुयायीलाई कोरोना लाग्दैन भन्दै भ्रम फैलाउने केशवराज आचार्यलाई प्रहरीले नियन्त्रणमा लिएको हो ।

जुम्ला घर भइ हाल पोखरा महानगरको वडा नम्बर २९ पावर हाउस बस्दै आएका उनी स्थानीयले दिएकाे सूचनाकाे आधारमा पक्राउ परेका हुन्

आचार्यले फुकेरै मन्त्र र रूमालबाट पायल्सबाट निको बनाइदिने प्रवचन दिएका थिए । अहिले कोरोनाको संन्त्रासमा आचार्यले यशुको अनुयायीलाई कोरोना भाइरसले नछुने प्रवचन दिएका थिए । आचार्य प्रशस्त कटनी मण्डलीका पास्टर हुन् ।

आचार्यले क्रिश्चियन धर्म माने कोरोना भाइरसले नछुने भ्रम फैलाउने काम गरेकाले पक्राउ गरिएको कास्कीका एसपी दानबहादुर कार्कीले जानकारी दिए ।धर्मका नाममा भ्रम र अफवाह फैलाएको भन्दै उनलाई मुद्दा चलाउने तयारी भइरहेको छ ।