मुम्बइ । भारतीय गायिका कनिका कपुरविरुद्ध लखनउको प्रहरीले विरुद्ध मुद्दा दायर गरेको छ । सरोजिनी नगर प्रहरी स्टेशनमा उनीविरुद्ध मुद्दा दायर गरिएको हो ।

कनिकाले आफू संक्रमित भएको जानकारी नदिइकन २ सय नागरिकको ज्यान जोखिममा पुर्याएको उनीमाथि आरोप छ ।  हाल कनिकासँगै उनका परिवारका सबैजना क्वारेन्टाइनमा छन् ।

लन्डनबाट भारत आएकी गायिका कनिकामा कोरोना भाइरसको लक्षण देखिएपछि गरिएको स्वास्थ्य परीक्षणपछि उनीमा कोरोना संक्रमित भएको पुष्टि भएको हो ।

मार्च १५ मा लन्डनबाट उत्तर प्रदेशको राजधानी लखनउ आएकी उनले सयभन्दा बढी आफन्त तथा शुभचिन्तकलाई लखनउमा पार्टीसमेत दिएकी थिइन् ।कनिकाले ‘बेबी डल’, ‘चिटियाँ कलाइयाँ’ जस्ता कैयौं हिट गीत गाएकी छन् ।