जनकपुरधाम । विश्वभरि महामारीको रुपमा फैलिँदै गएको कोरोना भाइरस प्रकोपको मौकामा ह्याण्ड सेनिटाइजर, मास्क, तथा अन्य उपभोग्य वस्तुको कालोबजारी बढेको छ ।
प्रहरीले सेनिटाइजरको कालोबजारी गर्ने एक व्यापारीलाई पक्राउ गरेको छ । ५ सय थान ह्याण्ड सेनिटाइजरसहित जनकपुरधामको भ्रमरपुराचोकस्थित अटल फार्मेसीका कर्मचारी अनिल यादवलाई जिल्ला प्रहरी कार्यालय धनुषाको टोलीले पक्राउ गरेको हो ।
अटल फार्मेसीका सञ्चालक प्रभास चौधरीले जनकपुरधाम उपमहानगरपालिका ४ स्थित श्याम मेडिकलबाट आफ्नो फार्मेसीको नाममा ५ सय थान ह्याण्ड सेनिटाइजर खरिद गरेर उपभोक्तालाई बिक्री नै नगरि आफ्नो गोदाममा राखेका थिए ।