जनकपुर – जनकपुरधाममा लाखौं भारुसहित भारतीय नागरिक पक्राउ परेका छन्।
जनकपुर विमानस्थलबाट तीन लाख भारतीय रुपैयाँसहित भारतको मुज्जफरपुर थाना काँटी ग्राम पञ्चायत वडा नम्बर ९ बस्ने २० वर्षीय शिवम कुमार पक्राउ परेका हुन्।
मंगलवार दिउँसो १ बजे श्री एयरलाइन्सबाट काठमाडौं जान लागेका यात्रुहरुलाई जाँच गर्दा प्रहरीले शिवम कुमारलाई उक्त भारु रुपैयाँसहित पक्राउ गरेको हो।
प्रहरीले चेकजाँच गर्ने क्रममा शिवमको शरीर तथा उनले बोकेको झोलाबाट २ हजारका १५० थान नोट बरामद गरेको छ।
आवश्यक कारबाहीको लागि बरामद गरिएको रकमसहित शिवमलाई राजस्व अनुसन्धान कार्यालय पथलैया पठाइएको प्रहरीले जनाएको छ।
Leave a Reply