एजेन्सी । भारत उत्तर प्रदेशको संतकबीरनगरमा चीनबाट फर्किएकी एक युवती परीक्षणका लागि सरकारी अस्पताल पुगेपछि चिकित्सकहरुकाे भागाभाग भएकाे थियाे। ती युवतीले आफू चीनको हुबेईबाट फर्किएको र २८ दिन सरकारको निगरानीमा बसेको भनेपछि डाक्टरहरु कुर्सी छाडेर भागेको भारतीय सञ्चारमाध्यमहरुले जनाएका छन्।

ती युवती रुघाखोकी लागेपछि परीक्षण गर्न सरकारी अस्पताल पुगेका थिइन्।चीनको हुबेई प्रान्त कोरोना भाइरसको उदगम स्थल हो। डाक्टरहरु नै भागेपछि ती युवती घर फर्किएका थिए। पछि घरमै गएर स्वास्थ्यकर्मीले ती युवतीको परीक्षण गरेको थियो। परीक्षणको रिपोर्ट नेगेटिभ आएको एजेन्सीहरुले जनाएका छन्।

त्यस्तै भारतको बैंगलोरमा इटालीबाट हनिमुन मनाएर फर्किएका एक पुरुषमा कोरोना भाइरसको संकम्रण देखिएपछि उनकी श्रीमती उनलाई छाडेर माइती फर्किएको भारतीय सञ्चार माध्यम आजतकले जनाएकाे
कोरोना भाइरसको संक्रमणबाट भारतमा दुई जनाको मृत्यु भएको छ। कम्तीमा ८० जना भाइरसबाट संक्रमित छन्। यस्तैमा उत्तर प्रदेशमा एक युवती कोरोना भाइरसको परीक्षणका लागि अस्पताल पुग्दा त्यहाँका डाक्टरहरु भागाभाग भएका छन्।