अनलाइन नेपाल
काठमाडौं । चीनबाट सुरु भइ विश्वव्यापी महामारी बनेको कोरोना भाइरसप्रति सचेत हुँदै सरकारले थप तीन वटा देशका नागरिककाे लागि अनअराइभल भिसामा रोक लगाएको छ ।
संभावित संक्रमण रोक्न भन्दै सरकारले जर्मनी, फ्रान्स र स्पेनका नागरिकलाई विमानस्थलमै प्रदान गरिँदै आएको अनअराइभल भिसामा रोक लगाएको हो ।
अघिल्लो हप्ता मात्रै सरकारले जापान, चीन, हङकङ, इरान, इटाली र दक्षिणका नागरिकलाई प्रदान गरिँदै आएको अनअराइभल भिसामा रोक लगाएको थियो ।
अध्यागमन विभाग स्रोतका अनुसार जर्मनी, फ्रान्स र स्पेनमा पनि कोरोना भाइरसको संक्रमण तीव्र गतिमा बढिरहेका कारण अनअराइभल भिसामा अस्थायी रोक लगाउने निर्णय गरिएको हो ।
हिमचुली मिडिया प्रा. लि.
इमेल: [email protected]
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply