सर्लाही । सर्लाहीमा सशस्त्रका प्रहरी जवानले आफैंलाई गोली हानेका छन्। ड्युटीमा खटेका करिब ३० वर्षीय आन्नद मिश्राले आफैंलाई गोली हानेका हुन्। आफैँलाई गोली हान्दा उनी गम्भीर घाइते भएका छन् ।

सशस्त्र प्रहरी बल नं १० गण कविलासीमा कार्यरत मिश्रा आफैंले बोकेको एसएलआरबाट घाटीमा गोली हानी घाइते भएका सशस्त्र प्रहरी उपरीक्षक विनोदराज श्रेष्ठले जानकारी दिए ।

सर्लाही बलरा नगरपालिका निवासी घाइते मिश्राको जिल्ला अस्पताल मलङ्गवामा समान्य उपचार गरी थप उपचारका लागि वीरगञ्जमा पठाइएको र घटनामा अनुसन्धान भइरहेको उनले बताए ।