भरतपुर । चितवनमा रोकिराखेको ट्रकमा मोटरसाइकल ठोक्किदाँ एक जनाको मृत्यु भएको छ । बिहिबार दिउँसो भरतपुर महानगरपालिका २९ पन्ध्र किलोमा काठमाण्डौ बाट नारायणगढ तर्फ जादैँ गरेको ना ३० प ९५६९ नम्बरको मोटरसाइकल सोही स्थानमा रोकी राखेको ना७ख ४९५१ नम्बरको ट्रकमा ठोक्किदाँ मोटरसाइकल चालक नवलपुर कावासोती ९ बस्ने बर्ष ३८ को नर बहादुर थापाको मृत्यु भएको हो । उनको उपचारको क्रममा बिहिबार चितवन मेडिकल कलेज भरतपुरमा मृत्यु भएको जिल्ला प्रहरी कार्यालय चितवनले जनाएको छ ।
प्रहरीका अनुसार मोटरसाइकलमा तीन जना सवार थिए ।
उक्त दुर्घटनामा दुई जना घाइते भएका छन् । घाइते हुनेहरुमा मोटरसाइकलमा पछाडी सवार मृतकका छोरा बर्ष ५ को बिबस थापा मध्यम र नवलपुर कावासोती ९ कै बर्ष २७ को अमृत बोहोरा समान्य छन् ।