इलाम । इलाममा लागुऔषध ब्राउन सुगरसहित २ जना पक्राउ परेका छन् । इलाम नगरपालिका– ४ बस्ने वर्ष २५ का रोशन राई र देउमाई नगरपालिका– ९ बस्ने वर्ष २० का विशाल शिवा पक्राउ परेका हुन्।

जिल्ला प्रहरी कार्यालय इलामद्वारा खटिएकाे प्रहरी टाेलीले उनीहरूलाइ विशेष सूचनाकाे अाधारमा पक्राउ गरेकाे हाे। उनीहरूको साथबाट प्रहरीले ४.५ ग्राम ब्राउन सुगरसमेत फेला पारेको छ । पक्राउ गरेका दुवै जनाको विषयमा थप अनुसन्धान भइरहेको प्रदेश प्रहरी कार्यालय विराटनगरले जनाएको छ ।

पछिल्लो समय युवायुवती दुर्व्यसनीमा फस्दै गएको भन्दै जिल्ला प्रहरी कार्यालयले विद्यालय स्तरमा समेत सचेतना कक्षा दिँदै आएको छ ।