काठमाडौं । चीनको वुहानबाट उद्दार गरेर क्वारेन्टाइनमा राखिएका १७५ जनामा कोरोना संक्रमण नभएको पुष्टि भएको छ ।

स्वास्थ्य मन्त्रालयले भक्तपुरको खरीपाटीमा रहेका उनीहरुमा संक्रमण नदेखिएको जानकारी दिएको हो।

‘उहाँहरु सबैको रिजल्ट नेगेटिभ आयो। आज नै उहाँहरु घर जान सक्नुहुन्छ’, मन्त्रालयका प्रवक्ता डाक्टर विकास देवकोटाले भने।

फागुन ४ गते चीनबाट ल्याइएका १ सय ७५ जनालाई खरिपाटीमा रहेको क्वारेन्टाइनमा राखिएको छ। उनीहरुलाई १४ दिनसम्म त्यहाँ राखेर परीक्षण गरिएको थियो।

नेपाल ल्याए लगतै गरिएको परीक्षणमा पनि नेगेटिभ रिपोर्ट आएको थियो । अहिले पनि नेगेटिभ रिपोर्ट आएपछि क्वारेन्टाइनमा बसेका सबै जना अब आआफ्नो घर जाने भएका छन् ।