काठमाडौं । चीन र दक्षिण कोरियाबाट फर्केका दुई जना नेपाली लाई कोरोना भाइरसको सं‌क्रमण आशंकामा टेकुस्थित शहीद शुक्रराज ट्रपिकल तथा सरुवा रोग अस्पतालमा भर्ना गरिएको छ ।

अस्पतालका अनुसार उनीहरु दुबैजनालाई आइसोलेसन वार्डमा राखिएको छ ।

एकजनालाई हिजो र एक जनालाई आज आइसोलेसन वार्डमा राखिएको पनि अस्पतालले जनाएको छ ।

कोरोना प्रभावित देशबाट आएका उनीहरुले ज्वरो आएको जाँच गर्न अस्पताल आएपछि आइसोलेसनमा राखेर जाँच गर्न खोजिएको अस्पतालले जानकारी गराएको छ ।

अस्पतालका प्रवक्ता डा. अनुप बाँस्तोलाका अनुसार नमुना संकलन गरेर ल्याबमा पठाइसकेको र सोमबारसम्ममा रिपोर्ट आउने बताए।