पोखरा । पोखरा महानगरपालिका– १४, चाउथेमा बुधबार भएको दुर्घटनामा परी घाइते भएका दाजु भाइको मृत्यु भएको छ ।

माइक्रोबसको ठक्करबाट गम्भीर घाइते भएका स्याङ्जा अर्जुन चौपारी गाउँपालिका– ५, आरुचौर घर भई हाल पोखरा महानगरपालिका– १४, चाउथे बस्ने ३३ वर्षीय ईश्वरबहादुर क्षत्री र ३८ वर्षीय मेघबहादुर क्षत्रीको मृत्यु भएको जिल्ला प्रहरी कार्यालय कास्कीले जनाएको छ ।

बुधबार ग१ख ९५९५ नम्बरको माइक्रो बसले ग१४प ५२४ नम्बरको मोटरसाइकललाई ठक्कर दिँदा क्षत्री दाजुभाइ गम्भीर घाइते भएका थिए । उनीहरुको उपचारका क्रममा पश्चिमाञ्चल क्षेत्रीय अस्पताल पोखरामा मृत्यु भएको हो ।