महोत्तरी । नेकपा (माले) का महासचिव सीपी मैनाली कार दुर्घटनामा परेका छन् । दुर्घटनामा परी उनी गम्भीर घाइते भएका छन्।

महोत्तरीको बर्दिबासस्थित रातुको पुलमा उनी चढेको बा ४ च २१२० नम्बरको कार र विपरीत दिशाबाट आइरहेको ना ४ ख ७६६८ नम्बरको पिकअफ भ्यान एक आपसमा ठोक्किदा दुर्घटना भएको हो। बिपी राजमार्गकाे बर्दिवास नगरपालिका खण्डमा पर्ने कालापानी भन्ने ठाउँमा ठोक्किएर दुर्घटना भएको हो।

दुर्घटनामा परी महासचिव मैनाली, उनकाका छोरा, बुहारी , नाती र चालकसमेत पाँच जना घाइते भएका छन् ।

इलाका प्रहरी कार्यालय बर्दिबासका प्रमुख डीएसपी राजकुमार चापागाई‌ले उनको बर्दिबासस्थित जनसेवा अस्पतालमा उपचार भइरहेको जानकारी दिए ।