काठमाडौं । मौसम पूर्वानुमान महाशाखाले आज रातिबाट पुनः मौसममाम बदलाब आउने जनाएको छ । दुई दिन अघि राम्रोसँग घाम लागेर केही तातोको महसुस गरिए पनि अब आज रातिबाट शुक्रबारसम्मै देशभर बदली, वर्षा र हिमपात हुने सम्भावना रहेको महाशाखाले जनाएको छ ।

बुधबार साँझबाट पश्चिम न्यून चापीय प्रणाली नेपाल प्रवेश गर्न लागेकाले फेरि वर्षा र हिमपात हुन लागेको महाशाखाको भनाई छ ।

नयाँ मौसमी प्रणालीका कारण बिहीबार मध्य, पश्चिमी पहाडी र तराईका एक–दुई स्थानमा भारी वर्षाको समेत सम्भावना छ । पूर्वी भागमा भने हल्का वर्षा र हिमपातको सम्भावना छ ।

यस प्रणालीको प्रभाव देशभर शुक्रबारसम्म नै रहने र शुक्रबारसमेत वर्षा र हिमपात हुने भएकाले सतर्क हुन मौसम पूर्वानुमान महाशाखाले सबैमा आग्रह गरेको छ । शनिबारबाट भने मौसम सुधारिने विभागले जनाएको छ ।