काठमाडौं । महानगरीय अपराध महाशाखाले कृषि विकास बैंकको सिस्टम ह्याक गरी रकम लुट्न खोज्ने समूहका नाइके दीपक नेपाललाई पक्राउ गरेको छ ।

महाशाखा प्रमुख एसएसपी सहकुलबहादुर थापाका अनुसार नाइजेरियन र भारतीय नागरिकसँग लामो समयदेखि भारतको मुम्बईमा बस्दै आएका नेपाललाई महाशाखाको विशेष टोलीले पक्राउ गरेको हो ।

नेपालका विभिन्न वित्तीय संस्थाबाट ५ अर्ब नेपाली रुपैयाँ लुट्ने योजना बनाएको नेपालको समूहले सिस्टम ह्याक गरी त्यसबेला कृषि विकास बैंकको करोडौं रकम लुटेका थिए ।

ह्याकिङ गरि लुटेको एक करोड रकमसहित मुख्य योजनाकार नेपाल फरार थिए ।

मोरङको रंगेली नगरपालिका–२ का ४३ वर्षीय नेपाललाई पक्राउ गरी पुस १८ गते आवश्यक अनुसन्धानका लागि महानगरीय प्रहरी परिसर काठमाडौंमा पठाइएको एसएसपी थापाले जानकारी दिए ।